بسم الله والصلاة والسلام على اشرف المرسلين سيدنا محمد (عليه افضل الصلات والسلام) وبعد :-
اول طريقه كيفية ضرب عددين محصورين بين العشرة والعشرين (13،12،11،10،.............،20)
.................................................. ...............
ملحوظه ..... العدد يتكون من مجموعة ارقام كل رقم موضوع فى خانه من الخانات ( احاد ،عشرات،ميئات،الوف)
فمثلا العدد 6574 الرقم 4 فى خانة الاحاد والعدد 7 فى خانة العشرات والعدد 5 فى خانة الميئات والعدد 6 فى خانة الالوف ...
.................................................. ...........
نبدأ الشرح .
اول شئ نفرض انك هتضرب 13x12 تكتب العدد بنفس الطريقة الى كاتب بيها انا
نشوف 12 عدد الاحاد فيها هو 2 والعشرات 1
13 عدد الاحاد فيها 3 والعشرات 1
هنضرب عدد الاحاد فى الاحاد = 6 نكتبة فى خانة الاحاد من الناتج
ثم نمسك العدد الاول كله12 ونجمعه مع احاد العدد الثانى 3 = 15 نكتبها فى الناتج يعنى ال 5 فى العشرات ، ال1 فى الميئات هتكون كده
13x12=156
............... مثال اخر .
هنفرض اننا هنضرب 14x15
مش لا زم اقول فين العشرات والاحاد لانكم انتو عرفتم
هنضرب 5x4 = 20 مش هينفع نحط عددين فى خانة الاحاد هنحط خانة الاحاد من
العدد 20 الى هو 0 فى خانة الاحاد من الناتج الاخير ... وخليك فاكر الرقم 2
بتاع العشرين فى مخك ........ وبعد كدا نجمع العدد الاول 15 مع احاد
الاعدد الثانى 4 = 19 وكان باقى من الضرب 2 مكتبنهاش هنجمعها مع ال 19
هيبقى 21 هنكتب ال 1 فى خانة العشرات وال 2 فى خانة الميئات هكذا
14x15=210
.................................................. ......
هنلخص كل الى قولناه فى كلمتين
اول حاجه تضرب الاحاد فى الاحاد (اذا كان ناتج الاحاد فى الاحاد يتكون من
رقم واحد . نكتبة فى خانة الاحاد.. اذ لم يكن نكتب احاد العدد الى طلع فى
احاد الناتج وعشرات الرقم الى طلع تحطه فى مخك )
بعد كده نجمع العدد الاول كله مع احاد العدد الثانى ونكتب احاده فى العشرات وعشراته فى الميئات
.................................................. ............
انا هقول باقى الطرق وفى طريقه تنفع مع كل الاعداد يعنى من الصفر الى ما لا نهايه
بس بعد ما اشوف تقييمكم .
اذا عجبك الموضوع رد .... واذا كان فى تعليق او اى حاجه مش فاهمها قول ....
وانا هجاوبك على طول ......................................... ادعولى
انجح انا فى سنه اولى ثانوى عام ...
السلام عليكم ورحمة الله وبركاته
<<<< انتظرونى فى هذا المنتدى الجميل (احلى عالم) فى قسم (التعليميه)هكمل باقى الطرق فى وقت لاحق .
